■車頭設計帶典雅氣派。

車迷要講珍藏，又點少得貨真價實的真車，身為迷你車會會長的阿 Dick就擁有 6部之多。至於成為阿 Dick最愛的 Mini，非 68年的 Riley Elf莫屬， Riley是年前阿 Dick從新西蘭訂回來。「佢返嚟嗰陣邊有家咁靚仔，簡直成個乞兒仔咁，最後花咗成年時間，每樣嘢慢慢執，至整到家咁樣。」 Riley矜貴之處，就是外形上有別於一般 Mini，原來 Riley一直有 Mini版勞斯萊斯之稱，看車頭造型，又或尾箱兩邊微微翹起的設計，確有幾分勞斯萊斯 Feel。而另一部 80年 BMC Mini Moke，最早設計時原用作軍事用途，最後因規格不符，改為民用，不過因為整架車無遮無掩，他用這部車的機會少之又少，大多作欣賞或者展覽用途。

■ 80年 BMC Mini Moke

■由塑膠做的 Mini模型，較為少見。

■車尾箱兩側微微翹起，一樣散發古典味。

■ Riley的桃木錶板，為其增添貴氣。

■能調校椅背角度的座椅是六十年代才有。

■早年 Mini無轉數錶，車主可另配轉數錶自行裝嵌。

座椅見證變遷

眼見阿 Ted的收藏品，絕對可以用眼界大開來形容，當阿 Ted從貨倉中逐一將座椅抬出，記者心中數算着， 1、 2、 3……陸續有來。最後抬來 11張，還有部份收藏於隱蔽處未能展示。單看這批座椅收藏，年份由六十年代至九十年代，可以看到 Mini在座椅設計上原來已經歷不同階段。「五十年代生產的 Mini座椅較簡單，椅背垂直，坐住揸車梗係無咁舒服，而且用料一般都係塑膠。六十年代生活質素提高，座椅變化多咗，除咗開始用真皮，椅背亦可調校角度。」 Mini軚盤則以大見稱，給人如駕駛巴士的感覺，但當見到阿 Ted將大堆軚盤堆放着的情景，才知原來 Mini的軚盤都分不同 Size，甚至有不同形狀。其中一個方形軚盤，便是英國著名改車公司 Torino為 Mini設計，原因是方便體形特別高大的司機，這設計特意將軚盤 Size縮細，模仿成賽車軚盤，扭動時便不易撞及腳部。

■專為 Mini設計的 Restall跑車座椅。

■ Mini軚盤除了有不同大小外，還有方形設計。

最怪收藏

要說最怪收藏品，非 Mini引擎莫屬，望着這重得要命的生鑄鐵引擎，要搬動時已令人望而生畏，但阿 Wood卻樂在其中。從事文職的阿 Wood 20多年前已愛上 Mini，但由於購入的 Mini大多年代久遠，維修保養少不免，但懂得維修的車房十分有限，又或是價錢太貴，惟有請教別人加看書自學，實行落手落腳自己維修，這時才發現古董 Mini零件已買少見少，尤其是合適的引擎，於是他便開始收藏引擎的「不歸路」。雖然阿 Wood只有三部 Mini，但引擎卻不下十部。「呢啲嘢擺喺度又唔會爛，得閒我又可以維修吓，總有一日會用到嘛！」
放大圖片

■新西蘭一間車房的倉底貨，是個全新引擎。

■阿 Wood收藏引擎，原來是為不時之需。

■一批古董 Mini迷，每次談起車經，都儼如大細路。

MINI HK Showroom

地址：荃灣青山公路 374至 380號森那美大廈二樓（愉景新城側）查詢： 3193 6808

每次睇完科幻電影中嘅未來世界，我就會諗，講句說話便可帶你去目的地嘅車幾時會出現呢？無疑汽車界嘅發展充份體現科技進步，但要憑說話接收指令依然係天方夜譚。不過 MINI其中一款 50周年紀念版 CAMDEN就識得以語音發出過千句指令，加上散發英倫 Camden街頭潮味嘅一身型 Look，似帶你走進智能新世代。記者：許維雅　攝影：譚盈傑　Model： Kitty@ Puremodels

男女 MC陪揸車

近排談論 MINI嘅話題，大部份都係爭辯揀 MAYFAIR定係 CAMDEN？前者本係倫敦貴族地區，後者則屬時尚潮流集中地，而兩部以此為名嘅 50周年紀念版 MINI，亦各自成功演繹出不同味道。不過要數快人一步走向未來，我一定會揀 MINI CAMDEN。 MINI首次破格為 CAMDEN加入嘅 Mission Control系統，會懂得因應駕駛者不同嘅操控而發出過千句指令，一男一女嘅英語聲音會為你高速入彎喝采，更會提示你有用嘅行車資訊及錯誤嘅駕駛狀態，好似油缸無油、唔記得放手掣及車門未關等。試車後發現，呢對男女 MC唔會騷擾你揸車之餘，佢哋輕鬆幽默嘅語氣更帶來歡樂氣氛。加上 CAMDEN獨配 Harman Kardon音響系統，無論聽 MC發言定聽歌，音色都更悅耳悠揚。

銀白表達未來概念

■波棍上有設計味濃嘅雙色車線。

朱古力車 MAYFAIR加入多項令 MINI迷流晒口水嘅獨家設計， CAMDEN亦唔例外。以標榜 MINI未來概念為設計主題， Cyber感嘅銀白色配搭可以話係最貼題嘅選擇，首創 Silver White金屬漆車身顏色，以白底銀間漸變色彩嘅側鏡作點綴，帶點 Cyber味道嘅簡約美由此而生。再配上充滿立體感嘅 17吋 Silver Shield合金輪圈，用 Trendy來形容整體感覺必定無人反對。內櫳方面，黑白色加暗橫紋嘅時尚座椅設計絕對係最搶眼嘅地方，以藍白雙色車線點綴座椅及真皮櫳面縫紉位置，就成功帶出設計師嘅點滴心思。至於身份象徵嘅 CAMDEN黑白英國旗標誌則分別出現於門檻及車側指揮燈上，加埋 50周年大圓章，自有獨特氣派。現在預訂更只需基本價就可以有 Full Options配備，紀念版先可以咁着數!

聽車講嘢會說話嘅 Mission Control智能系統收藏於中控台左邊嘅儲物箱內，綠燈按鈕開關。

■全個內櫳以黑白銀作得意配襯，潮味洋溢。

■ Harman Kardon音響系統屬 CAMDEN嘅獨家配備， MAYFAIR都無。

■黑色白邊嘅地毯亦係專為 CAMDEN而設。

■門檻上一樣有 CAMDEN黑白英國旗標記。

■車側指揮燈旁有黑白英國旗嘅 CAMDEN標記。

■鬼面罩上 50周年圓章， Fans大愛。

規格

引擎： 1,598cc直四 Turbo　馬力： 120hp/6,000rpm　扭力： 160Nm/4,250rpm傳動：六前速自動波，前驅　售價：$259,800（預訂送 Full Options）　查詢： MINI HK（ 3193 6808）

黐膠度：★★☆☆☆其實呢架車一啲膠味都無，仲好靚好豪華㖭。全車深啡配啞金色，襯出不凡氣派之餘，車櫳同車外都有唔少木紋飾板，好典雅。

■尾廂暗藏酒櫃，有埋保溫設備，靚酒唔怕焗壞。

超級加大碼

黐膠度：★★★★★Mini XXL名副其實，由迷你細車足足拉長至 6米，車內有酒櫃、 LCD、全景式天窗等，連車尾都改裝成按摩浴池。
似去街多過當差

黐膠度：★★☆☆☆紫襯黑，全架 Clubman令到發光咁滯，電鍍配件又多，連條軨都用密封式全電鍍， Bling Bling度 120%，完全唔似真警車。

最環保 Mini

黐膠度：★★★★☆08年北京奧運，車廠好鬼馬咁劏開架新 Clubman再駁上單車，變成 Mini黃包車。呢架車曾經係土瓜灣 Showroom展示過。
鷗翼起雙飛

黐膠度：★★☆☆☆武漢車迷發燒級改裝，包圍車殼胎軨大改特改，更將車門變成鷗翼式，雙門打開時勁有氣勢。
霸氣爬山車

黐膠度：★★★☆☆Mini係 61年同樣推出過 Pick-up農夫車，有車迷激到削尾頂再改成 4WD嘅四驅玩法，成架 Mini即時霸氣橫溢。

新舊 Mini一向多人改，要豪要劈要騎呢乜都得，算係車壇改裝百搭王。但將行為藝術融入 Mini又會點？身兼導演同編劇嘅火火，就以黐滿膠花嘅古董 Mini，帶出千禧十年後嘅種種憾事，絕對有 Message帶出嚟，咪以為人哋真係黐膠花！

變身部屋 Mini

無 睇開舞台劇，可能你唔多熟火火，但話你知《狗咬狗》同《新紮師妹》系列都係出自佢手筆。今勻發晒花癲、將架古董 Mini Clubman黐滿膠花，為嘅係舞台劇新搞作《黐膠花園》。「我哋老竇阿爺嗰代，大多靠黐膠花維生，黐吓黐吓香港又變得花園咁繁榮，但呢十年個世界變得好 緊要，依賴電腦、巨星殞落、道德問題等。今次有成 20位 Artis演出，我都會粉墨登場，主要帶出幾十年前日本侵華，但今天港人卻追捧日貨，我唔係反日，我都好多日本朋友，只係想帶出人要自強嘅 Message。」唔多明，都係講番架車，「架車係我車行一位朋友嘅，特登揀咗架懷舊古董車黐滿膠花，令人一見難忘，最正係內櫳夠大可以 Hea，因為我會安排幾位 Artis喺車入面，起居飲食瞓覺困足 12粒鐘，作行為藝術街頭表演。」咁大鑊？唔怪得車入面有毛毛毯、大咕、迷你雪櫃呢啲日用品啦，唔知尿壺收埋喺邊呢？聽聞 Hotcha都有份，咁有禁室培育 Feel，真係幾黐膠花喎。

■迷你雪櫃真係有嘢飲，有埋得意鬧鐘叫你起身。

■鴨仔水泡好鬼得意，原來小動物亦係 Otto一個演出主題。

揸車出汗都唔開冷氣

■原來係 61製作發起人火火新搞作，將架 Mini Clubman變裝成花花部屋車。

20 位 Artis輪流演出，每日不同配搭，身為「膽」之一嘅 Otto，今次演出想講珍惜親情，「呢兩年雙親離開，令我好遺憾無抽更多時間陪佢哋，好傷感但我居然無喊過。」唔喊都當表演？「唔係，我會玩全場人手拖手再過電，不論能否成功過電到最尾個人手中盞燈，過程中人人十指緊扣，已講到我嘅 Message。」又係好深，好似仲有個環保主題？「係，以我揸車為例，停車熄匙、多搭公共交通，又或一架車兜晒 EO2四個人等，有經濟效益又環保。仲有我唔鍾意開冷氣，就算夏天會出汗，我都寧願開大個窗吹生風。」

■企高望架花花 Clubman又真係幾靚，似足迷你花園。

■ Clubman由 60年代開始量產，未黐膠花前相當正常。

■特大cushion加仿波斯毛毯，一定瞓得好舒服。

古董 Mini有種難以言喻嘅魅力，尤其係 Pick up車款。第一大主因當然係香港少見，另外就係尾斗車款會令人聯想起有型嘅西部牛仔。早幾日竟然畀我喺香港街頭見到呢兩大魅力集於一車！一部白色古董 Mini Pick up出現喺土瓜灣，細細粒圓頭圓燈夠晒可愛，配上細小長方尾斗，效果出奇地夾，當然係收視爆晒燈，途人個個眼望望啦。上外國網頁一 Check，車價約四千英鎊，搞到我個心又囉囉攣呢。

車頂上加裝了一個皮箱，方便客人收藏戰利品。
第 2豪：獨家溝色

米黃色內櫳跟墨綠車身配襯得天衣無縫。
第 3豪：內藏雪櫃

車尾放了個銀色雪櫃準備冷飲以招待貴賓。

■ MINI設計總監 Gert Hilderbrand親自來港，為咁獨特嘅 Clubman進行交收儀式。