Posts Tagged ‘MINI’
>> Mini 狂迷數家珍 引擎都當寶
男人的座駕經常被形容為老婆，不過老婆得一個，但車就可以越養越多，甚至「老婆」裝身的物品亦不放過。幾個古董 Mini迷，有人從世界各地搜羅不同款式的古董 Mini，有人將座椅、軚盤、轉數錶等視為珍品，甚至 Mini引擎亦收藏。奇怪的是，這種一擲千金的嗜好，並沒招來老婆女友「詐型」，原因可能就是他們一直抱有一個宗旨：「老婆越老越可愛」吧！記者：趙慧敏攝影：林栢鈞鳴謝：香港迷你車會
Mini版「勞斯萊斯」
>> MINI搬大屋 更 Life @HK
土瓜灣 MINI Showroom近日關閉，好多人以為佢哋大裝修，其實係細屋搬大屋。一直拍住寶馬 Showroom屹立土瓜灣多年，如今兩兄弟要分離，原因當然係為咗要成就更大嘅發展。全新 MINI Showroom已遷往荃灣愉景新城旁邊，不但地方比舊址大一倍，唔少設備更為新 Showroom悉心而設，好似酒吧櫃、交車 VIP房等，配合埋充滿型格嘅燈光及全黑主題裝修，感覺更貼合 MINI Lifestyle嘅形象，真係可以講句：「大個仔喇！」順便提提各位 MINI車主，維修部亦已經遷往荃灣，帶車仔睇醫生記住唔好去錯地方喇。
>> 墨綠 Cooper S 豪爆上陣
為慶祝半島酒店 81周年，半島花了兩年時間策劃，打造兩架獨家 Mini Cooper S Clubman，專誠用作接載客人購物之用。車身特別噴上半島標記嘅綠色，顏色專為半島特別調製，車頂更裝上有半島 logo暗花嘅皮箱作儲物箱之用，而車尾及後排座椅則放了一部迷你雪櫃及 iPod等設備。今次合作可謂充滿破格意念，先係半島大膽創新以年輕形象嘅 Mini用作酒店車，應該無乜人會估到，再講 Mini Hong Kong更破天荒幫人客度身訂做特別版 Mini，所以 Mini Design Director Gert Hildebrand亦親自到港主持交收儀式。想一睹呢兩部全球獨家嘅 Clubman風采，不妨到半島酒店碰碰運氣。
第 1豪：頂架皮箱
>> 型爆 Mini 裝修車
早排喺街度就見到架載住啲裝修木板嘅車，即刻忍唔住要用相機影低，原因唔係部車夠特別，而係因為古董 Mini成為運板裝修車，呢個配搭實在新鮮又爆笑。呢部七十年代嘅老爺 Clubman，可以話係 Clubman始祖，同樣有個大方尾，尾門設計都一樣，最抵死就係佢竟然有得開篷，車主用嚟放木板好似有啲嘥料，但咁型嘅裝修車招搖過市，直頭出晒位。
>> Mini USB 50周年限量版更 Cute
有支可愛嘅 USB幫手，儲存文件都醒神過人啦！難怪造型可愛嘅 Mini Cooper車仔 USB一出就極受歡迎，想更加與別不同？呢支全新推出嘅 50周年特別版 Mini USB一定更合你心意，整個車身係英國紅白藍米字旗設計，更有搶眼「 50」字樣圖案喺車頂，感覺更 Cute亦更有紀念價值。加埋話明係限量版，所以每款只推出 2,000隻，有埋個英國旗盒靚仔包裝，絕對係聖誕禮物首選。
>> 「掟彎勁過波子」連凱的 Mini 藝術品
踏入中年嘅男人除咗容易發福之外，仲會改變口味，開始愛古董。修讀美術嘅連凱（ Andrew）就視古董車為藝術品，不過就幸好未發福。悉心為珍藏加加減減，仲會慢慢洗刷最愛嘅電鍍配件，面對即將去北京發展嘅日子，呢部唯一鮮橙色愛車都唔捨得帶去「俾人寫字」。
Read the rest of this entry »
